საქართველოს შეიარაღებული ძალების რაოდენობა კვლავ უცვლელი რჩება და 37 ათას სამხედრო მოსამსახურეს შეადგენს.

ამის შესახებ ნათქვამია მთავრობის წარდგინებაში პარლამენტისადმი, რომელიც დღეს თავდაცვისა და უშიშროების კომიტეტის სხდომაზე განიხილეს.

„თავდაცვის ძალების ოდენობა, სამხედრო მოსამსახურეთა შტატი, არის არაუმეტეს 37 ათასი კაცისა და აღნიშნული რაოდენობის წარმოდგენა განპირობებულია იმ ინფრასტრუქტურული და ფინანსური შესაძლებლობებით, რომელიც გააჩნია თავდაცვის სამინისტროს. ასევე, ეს არის ოპტიმალური რაოდენობა, რომელიც იძლევა სამინისტოს მიერ დასახული ამოცანების შესრულების შესაძლებლობას. ამ ოდენობაში არ იგულისხმება რეზერვი და ომიანობის დრო,“ - განაცხადა თავდაცვის მინისტრის მოადგილემ რატი ბრეგაძემ.