რუსეთის საგარეო საქმეთა მინისტრი სერგეი ლავროვი სომხეთის დედაქალაქს ეწვია, სადაც თავის სომეხ კოლეგას ზოგრაბ მნაცაკანიანს შეხვდა. ლავროვმა განაცხადა, რომ მთიანი ყარაბაღის ხალხის თანხმობის გარეშე მხარეებს შორის შეთანხმების გაფორმება შეუძლებელია.

მისი თქმით, აზერბაიჯანსა და სომხეთს შორის მოლაპარაკების დროს მთიანი ყარაბაღი სრულუფლებიან მონაწილედ უნდა იქნას წარმოდგენილი.

„ჩვენ, როგორც თანათავჯდომარეთა ჯგუფის წევრებს, შეგვიძლია პროცესი წინ წავწიოთ და შეთანხმების მიღწევა ვცადოთ, რაც მთიანი ყარაბაღის მოსახლოების თანხმობის გარეშე შეუძლებელი იქნება“, -განაცხადა ლავროვმა.