უნდათ რაღაცები დაამტკიცონ, ბოლო ხმაზე იხავლონ, ეპატაჟით ყურადღება მიიქციონ. რა მიიღო დღეს „ქართულმა ოცნებამ“? -უზრდელების ჯგუფი, - ამის შესახებ პარლამენტის დამოუკიდებელმა დეპუტატმა ლევან გოგიჩაიშვილმა „ინტერპრესნიუსთან” განაცხადა, რითაც დღეს პარლამენტში მიმდინარე მოვლენებს და დაპირისპირებას გამოეხმაურა.

გოგიჩაიშვილის თქმით, აგრესია „ქართული ოცნებისგან“ მოდის და ისინი ცდილობენ ყურადღება მიიქციონ, რომ საარჩევნო სიაში მოხვდნენ.

„ვერ ვხვდები უმრავლესობას რაში სჭირდება ასეთი ისტერიული ფონი, რას უმტკიცებენ ხალხს. თუ ვინმეს რამის დამტკიცება უნდა, „ნაციონალურ მოძრაობას“ აქვს დანაშაული ჩადენილი, უამრავი მტკიცებულებები, შემოდებული საქმეები დევს, ჩამოიღონ, წაუყენონ ბრალი. გაჭიმვა, ზედმეტი ნერვიულობა, რა საჭიროა? აგრესია მოდის „ქართული ოცნებიდან”, ძალიან აგრესიულები არიან. ზოგი იმიტომ არის აგრესიული, რომ ფიქრობს, ამის გამო შეიძლება საარჩევნო სიაში მოხვდეს. ადამიანებს უნდათ პარტიულ სიაში იყვნენ და 80 პროცენტი ამ მოცემულობიდან პარტიულ სიაში ვერ იქნება. უნდათ რაღაცები დაამტკიცონ, ბოლო ხმაზე იხავლონ, ეპატაჟით ყურადღება მიიქციონ. რა მიიღო დღეს „ქართულმა ოცნებამ“? - უზრდელების ჯგუფი, რომელიც ბილწსიტყვაობდა მთელი დღის განმავლობაში. რა მიიღეს? - განაცხადა გოგიჩაიშვილმა.