ბიძინა ივანიშვილმა გვითხრა, რომ გუნდური პრინციპები დავიცვათ და პროპორციულ სისტემაზე გადასვლის გადაწყვეტილებას მხარი დავუჭიროთ, - ამის შესახებ უმრავლესობის წევრმა დაჩი ბერაიამ „ქართულ ოცნებაში“ შეხვედრის დასრულების შემდეგ ჟურნალისტებს განუცხადა.

მისივე თქმით, შესაძლებელია დატოვოს მანდატი და „აღნიშნულზე მინიშნებები იყო" . კითხვაზე, შესაძლოა, თუ არა დადგეს მისი პარტიიდან გარიცხვის საკითხი, ბერაია პასუხობს, რომ თეორიულად შესაძლებელია.

„ვთქვი, რომ მხარს არ დავუჭერ პროპორციულ სისტემაზე გადასვლას. იყო მოთხოვნა სხდომაზე კენჭისყრასთან დაკავშირებით, რაზეც უარი მივიღეთ. ჩემთვის იყო ეს მტკივნეული. მინდოდა, კენჭი გვეყარა, ვინ იყო მომხრე. დაველოდოთ, როგორ განვითარდება მოვლენები, პოზიცია არ შემიცვლია.

ბატონმა ბიძინამ გვითხრა, რომ გუნდურობის პრინციპები დავიცვათ და გადაწყვეტილებას მხარი დავუჭიროთ. განსხვავებული აზრი 7-8 კაცმა გამოვთქვით, შეიძლება 10 იყო", - განაცხადა დაჩი ბერაიამ.