„პატრიოტთა ალიანსი“ დღეს, პროპორციულ საარჩევნო სისტემაზე გადასვლასთან დაკავშირებულ კანონპროექტს პარლამენტში თავიდან წარადგენს.

შესაბამისი განცხადება პარტიის ლიდერმა ირმა ინაშვილმა პარლამენტში გააკეთა და აღნიშნა, რომ კანონპროექტში მხოლოდ მცირედი ცვლილება შევა.

„უმრავლესობას შექმნილ კრიზისულ ვითარებაშიც კი შეუძლია ვითარების გამოსწორება, შეუძლია თავიდან შემოიტანოს ჩავარდნილი კანონპროექტი პარლამენტში მცირედი ცვლილებით. ამის გაკეთება უმრავლესობას შეუძლია, მაგრამ არ ვიცი, რაზე მსჯელობენ. როგორც ჩანს, ამას არ გააკეთებენ, ამიტომ ჩვენ დღეს პარლამენტში შევიტანთ იგივე კანონპროექტს. მცირედი ცვლილებით წარდგენის უფლება გვაქვს. ეს იქნება ბუნებრივი ბარიერი 0.67 %-ის ნაცვლად 0.7 პროცენტი. ამ ცვლილებით შევიტანთ პარლამენტში ხვალვე,“ - განაცხადა ინაშვილმა.