პარლამენტში დახურულ კარს მიღმა კიდევ ერთი შეხვედრა მიმდინარეობს. პარლამენტის ყოფილი ვიცე-სპიკერი თამარ ჩუგოშვილი უმრავლესობიდან დღეს წასულ დეპუტატებს: თამარ ხულორდავას, დიმიტრი ცქიტიშვილსა და ზაზა ხუციშვილს ხვდება.

ამასთან, შეხვედრას ესწრება უმრავლესობის წევრი ნინო გოგუაძეც.

ჯერჯერობით უცნობია, აპირებს თუ არა უმრავლესობის რიგების დატოვებას გოგუაძე.

არსებული ინფორმაციით, ფრაქცია "ქართული ოცნება - კონსერვატორები" განცხადებას ხვალ, 12:00 საათზე გააკეთებს. აღნიშნული ფრაქციის წევრები არიან: გიგა ბუკია, მუხრან ვახტანგაძე, რუსლან გაჯიევი, ზვიად ძიძიგური, ნინო გოგუაძე.