ივანიშვილი ცდილობს რუსეთისკენ წაათრიოს ეს ქვეყანა, ინგლისურად მოლაპარაკე გუნდში აღარავინ დარჩა, - ამის შესახებ „ევროპული საქართველოს“ წევრმა გიორგი კანდელაკმა ჟურნალისტებთან, პარლამენტის წინ გამართულ აქციაზე განაცხადა.
მისი თქმით, პროპორციული სისტემა უზრუნველყოფდა სტაბილურობას, რომ ივანიშვილი წასულიყო მშვიდად, ცივილიზებულად და ყოველგვარი ხმაურის გარეშე.
„მაგრამ, მან გადაწყვიტა ჩაებღაუჭოს ხელისუფლებას და თქვა, ან ყველაფერი, ან არაფერი და ამიტომ იგი მიიღებს არაფერს, რადგან ქართველი ხალხი ისე გაბრაზდა გუშინ, ეს სიბრაზის ტალღა ივანიშვილს უბრალოდ წალეკავს. ჩვენი, პოლიტიკური პარტიების ამოცანაა, ეს პროცესი წარვმართოთ ისე, რომ ქვეყანა არ დაზიანდეს“, - განაცხადა გიორგი კანდელაკმა.