კახეთის მხარის სახელმწიფო რწმუნებულის მოადგილემ გივი მეტრეველმა და სიღნაღის მუნიციპალიტეტის მერმა გიორგი გოგილაშვილმა ქალაქ წნორში, სოფელ ანაგაში, ქვემო მაჩხაანსა და ბოდბეში მიმდინარე ინფრასტრუქტურული პროექტების სარეაბილიტაციო სამუშაოები დაათვალიერეს და მათი მიმდინარეობის ეტაპებს ადგილზე გაეცნენ. ამის შესახებ „ინტერპრესნიუსს“ სიღნაღის მუნიციპალიტეტის მერიიდან აცნობეს.
გიორგი გოგილაშვილის განცხადებით, სიღნაღის მუნიციპალიტეტში არაერთი ინფრასტრუქუტურული პროექტი მიმდინარეობს, რომელთაც მონიტორინგსაც აქტიურ რეჟიმში განახორციელებს.
„ჩვენთვის მნიშნელოვანია მოსახლეობამ დროულად ისარგებლოს გაუმჯობესებული ინფრასტრუქტურით და განხორციელებული სამუშაოების შედეგად მიღებული სარგებელი თითოეული მოქალაქის ყოველდღიურ ცხოვრებაზე აისახოს“, - აღნიშნა გიორგი გოგილაშვილმა.