აჭარის მთავრობის სახლთან "ერთიანი ნაციონალური მოძრაობის" წევრებმა ბიძინა ივანიშვილის წინასაარჩევნო დაპირებების აუდიოჩანაწერი მიიტანეს.

როგორც მათ განაცხადეს, ამ ფორმით აჭარის მთავრობის წევრებს ახსნებენ, რომ ხალხს დანაპირები შეუსრულონ.

აქციის მონაწილეები პარალელურად იმ პირების გათავისუფლებას მოითხოვენ, რომლებიც დღეს სამართალდამცავებმა დააკავეს.

„ბატონო თორნიკე, თქვენ არ ხართ ხალხისთვის და ბიძინა ივანიშვილი თქვენთან ერთად უნდა დასრულდეს. ბიძინა ივანიშვილმა ღირსება წაგვართვა. გავერთიანდეთ ყველა ერთად და გადავაყენოთ ბიძინა ივანიშვილი“, - განაცხადეს აქციის მონაწილეებმა და განუხორციელებელ პროექტებზე ისაუბრეს.

აქციის მონაწილეების თქმით, ხვალ თბილისისკენ მსვლელობას დაიწყებენ, ნაწილი კი რეგიონში დარჩება და იქ გამართავს აქციას.