ფოთში, პარლამენტის მიერ საკონსტიტუციო ცვლილებების ჩაგდებასთან დაკავშირებით საპროტესტო აქცია გაიმართა. მოქალაქეები ნიკო ნიკოლაძის ძეგლთან შეიკრიბნენ და თბილისში, პარლამენტთან მიმდინარე აქციას სოლიდარობა გამოუცხადეს.
მათი თქმით, ,,ქართული ოცნების" ლიდერმა ბიძინა ივანიშვილმა მოსახლეობა კიდევ ერთხელ მოატყუა.
,,ჩვენ მხარდაჭერას, სოლიდარობას ვუცხადებთ თბილისში აქციაზე გამოსულ ხალხს. გარკვეული მიზეზების გამო ვერ შევუერთდით მათ დღეს და ამიტომ პროტესტი ამ ფორმით აქ გამოვხატეთ. ბიძინა ივანიშვილმა არაერთხელ მოატყუა ქართველი ხალხი და კიდევ ბევრჯერ მოატყუებს. საკმარისია ბოლოს და ბოლოს ბატონო ბიძინა, გეყოთ. არ გაგივათ ის ოინები, რაც თქვენ გაქვთ დასახული. მე პირადად, როგორც ერთ-ერთი მეომარი გპირდებით, არ გაპატიებთ ქართველი ერის შეურაცხყოფას და სულში ჩაფურთხებას“, - განაცხადა აქციის მონაწილე თეიმურაზ შურღაიამ.