გაერთიანებულმა ოპოზიციამ „ძალა ერთობაშია" რუსთაველის გამზირზე კარავი გაშალა. როგორც ჟურნალისტებს ოპოზიციის წევრმა გიორგი ვაშაძემ განუცხადა, გაერთიანებული ოპოზიციის შტაბი გადმოდის რუსთაველის გამზირზე, სადაც გაიმართება სამუშაო შეხვედრები.
მისივე განმარტებით, ოპოზიციას გამარჯვებისთვის კონკრეტული სამოქმედო გეგმები გააჩნია, რომელიც ხვალ გამოქვეყნდება.
გიორგი ვაშაძის განცხადებით, 17 ნოემბერს, 15:00 საათზე, რუსთაველის გამზირზე ოპოზიცია მასშტაბურ აქციას მოაწყობს, იქნება მსვლელობებიც.
„ყველა ვდგავართ ერთად, სიმართლე ჩვენსკენ არის. ქართველ ხალხს ვერავინ დააჩოქებს. ვერავინ მოახდენს საქართველოს თურქმენიზაციას! აქ არის გაერთიანებული ოპიზიცია. ასე გააკეთებს ყველა პოლიტიკური ძალა და ასე გაფართოვდება ჩვენი წინააღმდეგობის არეალი", - განაცხადა გიორგი ვაშაძემ.