გრიგოლ ვაშაძე - ვისაც სინდისი აქვს, ის წავა „ოცნებიდანაც“ და დეპუტატის მანდატსაც დატოვებს, ვინც, უკაცრავად, მაგრამ სალაფავისთვის არის მისული, ის დარჩება
ვისაც სინდისი და თავის თავის ოდნავ პატივისცემა მაინც აქვს, ის წავა „ოცნებიდანაც“ და დეპუტატის მანდატსაც დატოვებს, ვინც, უკაცრავად, მაგრამ სალაფავისთვის არის მისული პარლამენტში, ის დარჩება, - ამის შესახებ „ნაციონალური მოძრაობის“ თავმჯდომარე გრიგოლ ვაშაძემ ოპოზიციური პარტიების ლიდერების შეხვედრის დასრულების შემდეგ ჟურნალისტებს განუცხადა.
მისივე განმარტებით, ის სოფიო ქაცარავას მიერ დეპუტატის მანდატის დატოვებას მიესალმება.
გარდა ამისა, მან ასევე კომენტარი გააკეთა დღევანდელი შეხვედრის შინაარსსა და განხილულ თემებზე.
„ეს იყო ორგანიზაციული შეხვედრა. დღეს იყო დეტალიზაცია იმ შეთანხმების, თუ როგორ უნდა ჩავატაროთ ხვალინდელი აქცია“,-აღნიშნა გრიგოლ ვაშაძემ.
