პარტია "ქართული ოცნების" რიგები დავტოვე,- ამის შესახებ აჭარის მთავრობის სახლთან მიმდინარე აქციის ერთ-ერთმა მონაწილემ მანუჩარ ვერულიძემ განაცხადა. როგორც მან აღნიშნა, შვიდი წლის შემდეგ მმართველი გუნდის რიგებს ტოვებს, რადგან ხელისუფლება ზღვარს გადაცდა და ქართველი ხალხის ინტერებს უგულებელყოფს. მისი თქმით, „ქართული ოცნების“ ქობულეთის ორგანიზაციის წევრი იყო.

მანუჩარ ვერულიძემ "ქართული ოცნების" წევრებს პარტიის დატოვებისკენ და აქციაზე გამოსვლისკენ მოუწოდა.

"უსამართლობასთან ბრძოლოსთვის გავწევრიანდი თავდაპირველად "ქართულ ოცნებაში" და ბიძინა ივანიშვილთან ერთად ვიბრძოდი. დღეს დავტოვე "ქართული ოცნება" და აქციის მონაწილეებს შევუერთდი. მოვუწოდებ ყოფილ თანაგუნდელებს, ვისაც ღირსება შერჩენია პარტია დატოვოს და ხალხის რიგებს შეუერთდნენ",- განაცხადა მანუჩარ ვერულიძემ.