ფეხს არ მოვიცვლით აქედან. დამლაგებელიც კი ვერ შევა პარლამენტში, - ამის შესახებ "გაერთიანებული ოპოზიციის" ერთ-ერთმა ლიდერმა გრიგოლ ვაშაძემ ჟურნალისტებს პარლამენტთან გამართულ აქციაზე განუცხადა.
ვაშაძის თქმით, თუ ხელისუფლებას გონიერების ნატამალი შერჩა, დაელაპარაკება საზოგადოებას და ტელევიზიებს არ გათიშავს, როგორც ეს რეგიონებში გააკეთა. ხოლო თუ გონიერება არ შერჩა, ერთადერთ ძალას მიმართავს, რასაც ეყრდნობა - სპეცრაზმს.
"პროტესტის ეს ფორმა სრულიად შეესაბამება საქართველოს კონსტიტუციას და კანონმდებლობას. ამ შემადგენლობამ დაკარგა ყველანაირი ლეგიტიმაცია. უნდათ გაგვლახონ? - გაგვლახონ. უნდათ დაგვარბიონ? - დაგვარბიონ. უნდათ გავრილოვის ღამის გამეორება? - გაიმეორონ. ჩვენ ვართ საქართველოს მოქალაქეები და მათზე კარგად ვიცით ჩვენი უფლებები", - აღნიშნა ვაშაძემ.