აჭარის მთავრობის სახლთან საპროტესტო აქცია გრძელდება. აქციის მონაწილეები მთელი ღამის განმავლობაში კარვებში იმყოფებოდნენ.
აქციის მონაწილეების თქმით, ისინი აჭარის მთავრობის შენობის პიკეტირებას გეგმავენ.
„აქციის გამართვა სხვა უწყებებთანაც იგეგმება, მათ შორის მუნიციპალიტეტებში. მოთხოვნები უცვლელია და არ ვწყვეტთ პროტესტს. საღამოს სიტყვით გამოსვლის შემდეგ, აჭარის მთავრობის შენობასთან გასართობი პროგრამა, შოუები მოეწყობა",- განაცხადეს აქციის მონაწილეებმა.
შეგახსენებთ, რომ აჭარის მთავრობის სახლთან კარვებია გაშლილი. ისინი თბილისში აქციის მონაწილეებს სოლიდარობას უცხადებენ და საარჩევნო სისტემაში ცვლილებებს ითხოვენ.