ინფექციური საავადმყოფოს ექიმებმა ვაჟა გაფრინდაშვილის მხარდასაჭერი აქცია გამართეს

ინფექციური პათოლოგიის, შიდსისა და კლინიკური იმუნოლოგიის ს/კ ცენტრის სამედიცინო პერსონალი საოკუპაციო რეჟიმის მიერ დაკავებული ექიმის, ვაჟა გაფრინდაშვილის მხარდამჭერ „თეთრი ხალათების“ აქციას შეუერთდა. მათ ალექსანდრე ყაზბეგის გამზირი რამდენიმე წუთით გადაკეტეს.

როგორც მედიკოსები აცხადებენ, ისინი სოლიდარულები არიან მათი კოლეგის, ვაჟა გაფრინდაშვილის მიმართ და კატეგორიულად ეწინააღმდეგებიან საქართველოს ტერიტორიაზე რუსი ოკუპანტების მიერ მისი დაკავების ფაქტს.

„ყველა მედიკოსი და სამედიცინო დაწესებულება არის ერთსულოვანი. ჩვენც ვუერთდებით აქციას და ვითხოვთ ჩვენი კოლეგის უპირობო გათავისუფლებას. სოლიდარობას ვუცხადებთ ბატონ ვაჟას და ვაპროტესტებთ საქართველოს ტერიტორიის ოკუპაციასა და ოკუპანტების ქმედებას“,- აცხადებენ ინფექციური საავადმყოფოს წარმომადგენლები.

ინფექციური პათოლოგიის შიდსისა და კლინიკური იმუნოლოგიის ს/კ ცენტრიის ინფორმაციით, აქცია „თეთრი ხალათები“ საქართველოს თითქმის ყველა სამედიცინო დაწესებულებაში გაიმართა“, - ნათქვამია ინფორმაციაში.

ახალგორის რაიონში დაკავებულ ქართველ ექიმს, ვაჟა გაფრინდაშვილს, 15 ნოემბერს, ახალგორის ე.წ. სასამართლომ ორთვიანი წინასწარი პატიმრობა შეუფარდა. გავრცელებული ინფორმაციით, ვაჟა გაფრინდაშვილი ოკუპირებულ ტერიტორიაზე პაციენტის სანახავად მიდიოდა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე