აქციის მონაწილეები, მეტროსადგურ „თავისუფლების მოედნის“ მიმდებარე ტერიტორიაზე, გზის სავალ ნაწილზე, სპეცრაზმის წინ დასხდნენ და ამგვარად ცდილობენ, რომ ტერიტორიაზე კვლავ დარჩნენ. აქციის მონაწილეები აცხადებენ, რომ ისინი პროტესტს კვლავაც გააგრძელებენ. სპეციალური დანიშნულების რაზმს უკან მიჰყვება სპეცტექნიკაც, კერძოდ, წყლის ჭავლის ავტომობილები.

შეგახსენებთ, რომ სპეციალური დანიშნულების რამზმმა პარლამენტის მიმდებარე ტერიტორია კარვებისგან გაათავისუფლა. სპეცრაზმმა აქციის მონაწილეთა წინააღმდეგ წყლის ჭავლი რამდენჯერმე გამოიყენა და ამგვარად გაათავისუფლა პარლამენტის სამივე შესასვლელი.