,,პროფესიული მოვალეობის შესრულების დროს, ექიმი ხელმძღვანელობს წმინდა ჰუმანიტარული მოტივაციით და პასუხისმგებლობით. საოკუპაციო რეჟიმის მიერ ექიმი ვაჟა გაფრინდაშვილის დაკავების ფაქტი, ნათელი მაგალითია იმისა თუ როგორ სისტემატიურად ირღვევა საქართველოს ოკუპირებულ ტერიტორიებზე ადამიანის უფლებები, მათ შორის თავისუფლად გადაადგილების უფლება“, - ამის შესახებ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე სოციალურ ქსელ ,,ფეისბუქში“ წერს.

,,ვგმობთ აღნიშნულ ფაქტს და დარწმუნებული ვართ, რომ საერთაშორისო მექანიზმების და ყველა მხარის აქტიური ჩართულობა გამოიღებს შედეგს და საოკუპაციო რეჟიმი დაუყოვნებლივ გაათავისუფლებს უკანონო პატიმრობაში მყოფ ვაჟა გაფრინდაშვილს“, -აცხადებს რუსლან აბაშიძე.