„თავისუფლება ვაჟა ექიმს",- ამ ლოზუნგით ბათუმში საოჯახო მედიცინის რეგიონული ცენტრის ექიმებმა ცხინვალის იზოლატორში მყოფ ვაჟა გაფრინდაშვილს მხარდაჭერა გამოუცხადეს და დე ფაქტო ხელისუფლებას მისი გათავისუფლება სთხოვეს.
ექიმები ამბობენ, რომ ცხინვალის იზოლატორიდან ქართველის ექიმის გასათავისუფლებლად საქართველოს მთავრობამ სწრაფი ნაბიჯები უნდა გადადგას.
„სამედიცინო საზოგადოება მზად ვართ, მხარი დავუჭიროთ ვაჟა ექიმს! მას სოლიდარობას ვუცხადებთ და დროულ გათავისუფლებას ვითხოვთ",- აცხადებენ აქციის მონაწილეები.