მამუკა მდინარაძის განცხადებით, IRI-ის გამოქვეყნებულ კვლევებში ბაქრაძე, NDI-ის კვლევებში სააკაშვილი ლიდერობს, ეს ტენდენციური კვლევები წლებია ვრცელდება

IRI-მ როდის გამოაქვეყნა შედეგები? გუშინ! და თქვენ ფიქრობთ, რომ გუშინდელი შედეგები ჩვენ წინასწარ ვიცოდით, ან რაიმე კავშირი აქვს რეალურ კვლევებთან? - ამის შესახებ ჟურნალისტებს ფრაქცია „ქართული ოცნების“ თავმჯდომარემ მამუკა მდინარაძემ განუცხადა.

მისივე თქმით, ხშირად ხდება რომ IRI-ისა და NDI-ის კვლევები რამდენიმე ათეული პროცენტით ცდება ხოლმე რეალობას და საარჩევნო შედეგებს.

„მე დავსვამ რამდენიმე შემხვედრ შეკითხვას, რომლითაც საზოგადოება უფრო კარგად გაერკვევა რეალობაში. რატომ ხდება ყოველთვის ისე, რომ „აიპიემ“- ის მიერ ჩატარებული კვლევა, რომელსაც შემდეგ აქვეყნებს ხოლმე IRI , ან CRRC - ის მიერ ჩატარებული კვლევა, რომელსაც შემდგომ აქვეყნებს NDI, ყოველთვის ცდება ხოლმე რამდენიმე ათეული პროცენტით რეალობას და საარჩევნო შედეგებს. რატომ ხდება ისე, რომ „აიპიემ“-ის მიერ ჩატარებულ კვლევაში ლიდერობს დავით ბაქრაძე, შემდეგ მისი რეიტინგი ქრება CRRC-ის მიერ ჩატარებულ კვლევაში და იქ რაღაც პოზიციებზე გვევლინება ხოლმე მიხეილ სააკაშვილი, უკვე სასაცილოა ეს ამბავი, თუ ჩაატარა აიპიემმა და გამოაქვეყნა IRI -მ, იქ ბაქრაძე და „ევროპული საქართველო“ და სხვა შედეგები გვაქვს, თუ CRRC - მ ჩაატარა და NDI -მ გაგვაცნო ეს შედეგები, იქ მიხეილ სააკაშვილი და „ნაციონალური მოძრაობა“ არის რაღაც კუთხით დომინანტი. აი ეს ტენდენციური კვლევები საქართველოში უკვე რამდენიმე წელია ვრცელდება, გვეუბნებიან რომ ასეა და შემდეგ, საარჩევნო შედეგები მხოლოდ და მხოლოდ ათეული პროცენტით ცდება მონაცემებს. დასკვნა თავად საზოგადოებამ გამოიტანოს. თუ მეტყვით, რომ ვენდო ასეთ კვლევებს, რა ვიცი, დავფიქრდები, მაგრამ გამიჭირდება. მე შეფასებას კი არ ვაკეთებ, დასკვნას ვაკეთებ. ეს ფაქტები სასაცილოდ ხდის კვლევის შედეგებს. დასკვნა ძალიან მარტივია, ტენდენციურია, იმიტომ რომ ხდება კონკრეტული ლიდერების თუ კონკრეტული პარტიების მიმხრობა იმის მიხედვით, ვინ ატარებს საველე სამუშაოებს,“ - განაცხადა მდინარაძემ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ