თამარ ჩუგოშვილი - ერთადერთი, ვისთანაც ფრაქციის შექმნაზე მოლაპარაკებები გვაქვს, ის ადამიანები არიან, რომლებმაც უმრავლესობა კენჭისყრის შედეგებიდან გამომდინარე დატოვეს

ფრაქციის შექმნასთან დაკავშირებით, ერთადერთი, ვისთანაც მოლაპარაკებები გვაქვს, არიან ის ადამიანები, რომლებმაც კენჭისყრის შედეგებიდან გამომდინარე უმრავლესობის დატოვების გადაწყვეტილება მიიღეს, - ამის შესახებ უმრავლესობიდან წასულმა დეპუტატმა, ყოფილმა პირველმა ვიცე-სპიკერმა თამარ ჩუგოშვილმა ჟურნალისტებს განუცხადა.

მისი თქმით, ადამიანები, ვისთანაც კონსულტაციები მიმდინარეობს, პრინციპული და პროფესიონალი ადამიანები არიან.

„ჯერჯერობით, კოლეგებთან კონსულტაციები და მოლაპარაკებები მიმდინარეობს. ვფიქრობ, პარლამენტის წევრები საკმარისი რაოდენობით მოვგროვდებით, რომლებსაც სურვილი ექნებათ ფრაქციის შექმნის. ჯერჯერობით გვარებს და დეტალებს სრულად ვერ გეტყვით, რადგან რამდენიმე დღე კიდევ გვჭირდება. ერთადერთი, ვისთანაც მოლაპარაკებები გვაქვს, არიან ის ადამიანები, რომლებმაც კენჭისყრის შედეგებიდან გამომდინარე მიიღეს უმრავლესობის დატოვების გადაწყვეტილება. ყველა ადამიანი, ვისთანაც საუბარი გვაქვს, არის ძალიან პრინციპული და პროფესიონალი. ვფიქრობ, რომ ფრაქცია, რომელიც შეიქმნება, იქნება საკამოდ კარგი რესურსი იმისთვის, რომ ჯანსაღი პოლიტიკური პროცესები გვქონდეს საქართველოს პარლამენტში“, - განაცხადა ჩუგოშვილმა.

ჩუგოშვილის თქმით, ფრაქცია არის ორგანიზებული საქმიანობის კარგი ფორმა პარლამენტში. მისივე განცხადებით, ფრაქცია მხარს დაუჭერს ყველა იმ ინიციატივას, რაც ქვეყნის ინტერესებს შეესაბამება და არ იმუშავებს მხოლოდ პარტიული ხაზით.

რაც შეეხება პირველი ვიცე-სპიკერის თანამდებობაზე მის შემცვლელს, თამარ ჩუგოშვილის თქმით, „ქართული ოცნება“ რას ფიქრობს და რა გეგმები აქვს, არ იცის.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის