ფორუმზე „რუსეთი გიხმობს“ რუსეთის პრეზიდენტს, ვლადიმერ პუტინს კითხვა დაუსვეს თუ რა დამოკიდებულება აქვს უკრაინის პრეზიდენტ ვლადიმერ ზელენსკის მიმართ. პუტინის თქმით, ის სიმპათიური და გულწრფელი მამაკაცია.

„რა დამოკიდებულება მაქვს ზელენკისადმი? არანაირი! ის არასდროს მინახავს, არ ვიცნობ. მხოლოდ ტელეფონზე გვისაუბრია. ჩემი აზრით, ის სიმპათიური მამაკაცია და გულწრფელიც“,-განაცხადა პუტინმა.

ამასთან რუსეთის ლიდერმა განაცხადა, რომ მის უკრაინელ კოლეგას თავის მხრივ სურს ქვეყანაში სიტუაციის უკეთესობისკენ შეცვლა, რაც „რეალური ნაბიჯებით დასტურდება“, მათ შორის დონბასიდან ჯარების გაყვანით.