ქუთაისში სააპელაციო სასამართლოს ჭიშკარი „დააბოქლომეს“. გაერთიანებული ოპოზიციის და საინიციატივო ჯგუფების წევრებმა სასამართლოსთან აქცია-პერფორმანსი გამართეს. მათი თქმით, ბიძინა ივანიშვილმა მთავარი დაპირება არ შეასრულა, ამიტომ ისინი ხელისუფლებას სიურპრიზებით გაანებივრებენ.
„ბიძინა ივანიშვილმა უმთავრესი დაპირება არ შეასრულა და გამოიწვია სამართლიანი პროტესტი. ეს ყველაფერი იღებს კამპანიურ ხასიათს, სიმბოლურად დავაბოქლომებთ უწყებებს. დღეს დავაბოქლომეთ სასამართლო, ისე როგორც სხვა უწყებები და გასაღებს ვაძლევთ ხალხს. ამ ყველაფერს ექნება კამპანიური ხასიათი და სიურპრიზებით გავანებივრებთ ხელისუფლებას“, - განაცხადეს აქციის მონაწილეებმა.