ბიძინა ივანიშვილს შეუძლია სტაფილოს წვენი დალიოს, რადგან მალე დავასრულებთ, - განაცხადეს ქუთაისში აქციის მონაწილეებმა, რომელთაც მერიის წინ პერფორმანსი გამართეს. მათ სტაფილოებით „ბიძინა“ დაწერეს, თითო სტაფილოზე კი იმ დეპუტატების სახელები დააკრეს, რომელთაც პროპორციული საარჩევნო სისტემის კანონპროექტი ჩააგდეს.

აქციის მონაწილეების, თქმით, ამით გამოხატეს მშვიდობიანი პროტესტი.

"ვმართავთ მშვიდობიან აქციას, მაგრამ არ გვაცლიან. დაგვხვდნენ ძალადობით. მხოლოდ სტაფილო მოვიტანეთ და ვუთხარით ბიძინა ივანიშვილს, შეუძლია დალიოს სტაფილოს წვენი, რადგან მალე დავასრულებთ", - განაცხადეს აქციის მონაწილებმა.

დღესვე, მათ სიმბოლურად მერიის მოაჯირზე ბოქლომი შეაბეს. აქციის დასასრულს პროტესტის მონაწილეებსა და „ქართული ოცნების“ მხარდამჭერებს შორის სიტყვიერი დაპირისპირება მოხდა.