„თავისუფალი საქართველოს“ ლიდერები ბრიუსელში ევროპარლამენტარებს ხვდებიან

პარტია „თავისუფალი საქართველოს“ ლიდერები, კახა კუკავა და როინ ხიჯაკაძე ბრიუსელში ევროპარლამენტის დეპუტატებს ხვდებიან. ამის შესახებ „ინტერპრესნიუსს“ პოლიტიკური პრატია “თავისუფალი საქართველოდან“ აცნობეს.

20 ნოემბერს შეხვედრა ევროპარლამენტის ერთ-ერთი ყველაზე მსხვილი ფრაქციის „იდენტურობისა და დემოკრატიის“ ხელმძღვანელთან მარკო ძანისთან გაიმართა, რომელიც აგრეთვე იტალიის ყველაზე პოპულარულ პარტიას „ჩრდილოეთის ლიგას“ წარმოადგენს. შეხვედრაზე განიხილეს, როგორც ორმხრივი თანამშრომლობის საკითხი პარტია „თავისუფალ საქართველოსა“ და „ჩრდილოეთის ლიგას“ შორის, აგრეთვე უკანასკნელ დღეებში საქართველოში განვითარებული მოვლენები.

„თავისუფალმა საქართველომ“ ევროპარლამენტარებს საქართველოში შექმნილი ვითარება გააცნო, კერძოდ - როგორ დაარღვია ქვეყნის არაფორმალურმა მმართველმა და ოლიგარქმა ბიძინა ივანიშვილმა ოპოზიციასთან მიღწეული შეთანხმება და როგორ ცდილობს პოლიტიკური აფიორისა და თაღლითობის გზით შეინარჩუნოს ერთპარტიული მმართველობა 2020 წელს დაგეგმილი არჩევნების შემდეგაც.

პოლიტიკურმა გაერთიანებამ მარკო ძანის საერთაშორისო თანამეგობრობისადმი ოპოზიციური პარტიების ერთობლივი მიმართვა გადასცა, სადაც როგორც საარჩევნო რეფორმის განხორციელების მნიშვნელობაზე, აგრეთვე პოლიტიკური პატიმრების დაუყოვნებლივ გათავისუფლების შესახებაა საუბარი.

„თავისუფალი საქართველო“ ევროპარლამენტში შეხვედრებს განაგრძობს. პარტიის უმთავრესი ამოცანაა, როგორც ორმხრივი თანამშრომლობის განმტკიცება ევროპის კონსერვატიული ორიენტაციის პარტიებთან, აგრეთვე ივანიშვილის რეჟიმის საერთაშორისო იზოლაცია და ოლიგარქიული რეჟიმის წინააღმდეგ ფინანსური სანქციების დაწესება“, - აღნიშნულია პარტიის ინფორმაციაში.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
წინანდლის მამული Grand Jury Du Vin-ის ღვინის სიმპოზიუმს უმასპინძლებს
ვანო ჩხარტიშვილი - მამუკა ხაზარაძისა  და ბადრი ჯაფარიძის მიმართ, რომლებიც „ლელოს“  უნიჭო კამპანიის უკან დგანან, ჩვენი მხრიდან სამართლებრივი რეაგირება იქნება
„დანკინის“ ბარისტათა საერთაშორისო კონკურსზე საუკეთესო ყავის მომზადებისთვის ქართველი ბარისტა დააჯილდოვეს
კომპანია „ავერსი“ ფარმაცევტებს პროფესიულ დღეს ელოცავს