გიგი უგულავა - მართლა ტუალეტშიც პოლიციის თანხლებით ხომ არ წავლენ?

მართლა ტუალეტშიც პოლიციის თანხლებით ხომ არ წავლენ? - ასე მიმართა „ევროპული საქართელოს“ ერთ-ერთმა ლიდერმა გიგი უგულავამ სამართალდამცავებს, რომლებიც ოპოზიციის ლიდერებსა და მათ მხარდამჭერებს მთავრობის სახლის ჭიშკარზე ბოქლომის დადების შესაძლებლობას არ აძლევენ.

„ნაწილი ახლა წავა ივანიშვილთან. ეს არის ჩვენი ტაქტიტა. ჩვენ არ მოგვბეზრდება და სანამ თქვენ არ მოგბეზრდებათ სისულელეში ამათთან ჩაყოლა, სანამ ვიღაც არ გამოფხიზლდება და არ იტყვის, რომ აღარაა ამის დრო და გამოსავალი მოძებნეთ, ჩვენ ასე ვიდგებით. მე კანონს არ ვარღვევ. 4 ადგილას მოგიწევთ დგომა, 6 ადგილას მოგიწევთ დგომა, მართლა ტუალეტშიც პოლიციის თანხლებით ხომ არ წავლენ? ჩვენი ამოცანა მთავრობის სხდომის ჩაშლა არ არის. ეს შენობა საცერივითაა, მარტო უშიშროების მხრიდან 5 ადგილას შეხვალ. მთავარი ამოცანა არის, რომ ეს ხალხი დაიღალოს, ან პოლიციის თანხლებით იარონ ყველგან. ყველგან სადაც იქნება მთავრობა, იქნება ეს სიტუაცია“, -განაცხადა მთავრობის ადმინისტრაციასთან მისულმა გიგი უგულავამ.

შეგახსენებთ, რომ ოპოზიციის ლიდერებმა და მათმა მხარდამჭერებმა ბოქლომები ჯერ პარლამენტის შენობის ყველა ჭიშკარს, შემდეგ კი პროკურატურისა და სახელმწიფო უსაფრთხოების სამსახურის ჭიშკარს დაადეს. დღეს ბოქლომით მთავრობის ადმინისტრაციასთან მივიდნენ, თუმცა მთავრობის სახლის ჭიშკარზე ბოქლომის დაკიდების საშუალებას ოპოზიციას პოლიცია არ აძლევს. ამის გამო ადგილზე დაპირისპირებაა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს