„ნაციონალური მოძრაობის" აჭარის ორგანიზაციის წევრები, აჭარის უმაღლესი საბჭოს „ერთიანი ნაციონალური მოძრაობის" დეპუტატის, ელგუჯა ბაგრატიონი დაკავების ფაქტს აპროტესტებენ. როგორც პარტიის ოფისში გამართულ ბრიფინგზე ასმათ დიასამიძემ განაცხადა, ელგუჯა ბაგრატიონის დაკავებისას მისი უფლებები დაირღვა და დეპუტატი არადამიანურ პირობებში იმყოფებიდა.

ასმათ დიასამიძე, სახალხო დამცველსა და აჭარის უმაღლეს საბჭოს მოუწოდებს, რომ ელგუჯა ბაგრატიონის დაკავების ფაქტი შეისწავლონ.

„დაკავების დროს და შემდეგ, პატიმრობის დროს ელგუჯა ბაგრატიონი იმყოფებოდა არაადამიანურ პირობებში. მოხდა მისი უფლებების დარღვევა, ამდენად, მოვუწოდებ ხელისუფლებას, სახალხო დამცველს, ადამიანის უფლებადამცველ ორგანიზაციებს, შეისწავლონ და შესაბამისი რეაგირება მოახდინონ ფაქტზე“, - განაცხადა ასმათ დიასამიძემ.

შეგახსენებთ, რომ ელგუჯა ბაგრატიონი თბილისში აქციის დაშლის დროს დააკავეს. მას სასამართლომ ადმინისტრაციული სამართალდარღვევის ფაქტზე, 12- დღიანი პატიმრობა შეუფარდა.