შოტლანდიის ყოფილი პრემიერი, ალექს სალმონდი, რომელიც ბრალდებები მძიმე სექსუალური დანაშაულისთვის აქვს წაყენებული, შოტლანდიის სასამართლოს წინაშე წარსდგა.
სალმონდს 14 დანაშაულის ჩადენას ედავებიან, მათ შორისაა ორი გაუპატიურების მცდელობის, ცხრა სექსუალური ძალადობის, ორი თავდასხმის და ერთიც- მშვიდობის დარღვევის საქმეები.
ყოფილი პრემიერი ყველა ბრალდებას უარყოფს.
„დღეს ბევრის თქმის უფლება არ მაქვს, გარდა იმისა, რომ ჩვენ წარვადგინეთ ჩვენი დაცვის განცხადება სასამართლოში. არც ერთ ბრალდებას არ ვაღიარებ. ჩვენ ვართ საარჩევნო კამპანიის შუაგულში და არ ვაპირებ იმის თქმას, რაც გავლენას მოახდენს ამ პროცესზე, ”- განაცხადა სალმონდმა.
სალმონდის საქმეზე პირველი მოსმენა ედინბურგის სასამართლომ იანვარში გამართა. მის წინააღმდეგ ჩვენება სექსუალური ძალადობის და გაუპატიურების მცდელობის საქმეზე ჯამში ათზე მეტმა ქალმა მისცა.