იურიდიული დახმარების სამსახურის დირექტორმა აბაშაში საკონსულტაციო შეხვედრები გამართა

იურიდიული დახმარების სამსახურის დირექტორმა რაჟდენ კუპრაშვილმა აბაშის მუნიციპალიტეტში რამდენიმე შეხვედრა გამართა.

როგორც „ინტრეპრესნიუსს“ იურიდიული დახმარების სამსახურიდან აცნობეს, კუპრაშვილმა მუნიციპალიტეტის მერიის საკონფერენციო დარბაზში შეკრებილ სოფლის რწმუნებულებსა და ადგილობრივებს იურიდიული დახმარების სამსახურის ახალი პროექტები გააცნო და კიდევ ერთხელ ისაუბრა სამსახურის სერვისების შესახებ. აბაშაში, ისე როგორც საქართველოს სხვა რეგიონებში, აქტუალურია მიწის რეგისტრაციისა და მემკვიდრეობის საკითხები.

„მოგვიანებით, დირექტორი სახლში ეწვია პენსიონერ ბენეფიციარს იროდი ბიწაძეს, რომელსაც მამაპაპისეული მიწის რეგისტრაციასთან დაკავშირებით პრობლემები შეექმნა. აღნიშნულ საქმეში მას დახმარებას გაუწევს სამსახურის ადმინისტრაცია.

უახლოეს პერიოდში იურიდიული დახმარების სამსახური აბაშაში საკონსულტაციო ცენტრის გახსნას გეგმავს. მანამდე კი აბაშელებს უფასო იურიდიული დახმარების მიღება უახლოეს, ფოთის ბიუროში შეუძლიათ.

იურიდიული დახმარების სამსახურის დირექტორი აბაშას მოადგილესთან, სულხან გველესიანთან, ფოთის ბიუროს წარმომადგენლებთან და სამსახურის სხვა თანამშრომლებთან ერთად სტუმრობდა“, - ნათქვამია ინფორმაციაში.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის