წალენჯიხის მუნიციპალიტეტის სოფელ კანთში ახალი სკოლა აშენდება

წალენჯიხის მუნიციპალიტეტის სოფელ კანთში ახალი სკოლა აშენდება. ინფორმაცია მასწავლებლებს და მოსწავლეებს სამეგრელო-ზემო სვანეთის სახელმწიფო რწმუნებულის პირველმა მოადგილემ დავით ფარცვანიამ, წალენჯიხის მერთან ერთად გააცნო. როგორც „ინტერპრესნიუსს“ სამეგრელო-ზემო სვანეთის სახელმწიფო რწმუნებულის პრესსამსახურიდან აცნობეს, საბაზო სკოლის პროექტირება უკვე დასრულების ეტაპზეა, ახალი წლიდან კი სამშენებლო სამუშაოები დაიწყება.

პროექტს საქართველოს მუნიციპალური განვითარების ფონდი ახორციელებს. ახალი, თანამედროვე სტანდარტების შესაბამისი საბაზო სკოლა 60 მოსწავლეზე იქნება გათვლილი, ასევე მოეწყობა სპორტული მოედანი. პროექტის ღირებულება მილიონ ლარზე მეტია.

კანთის სკოლა 2011 წელს დაიწვა და მას შემდეგ სასწავლო პროცესი სოფელში არსებულ ყოფილ საკოლმეურნეო მაღაზიაში მიმდინარეობს. სკოლაში ინფრასტრუქტურის არარსებობის გამო მშობლებმა მოსწავლეები ახლომდებარე სკოლებში გადაიყვანეს, რის გამოც ამჟამად კანთის სკოლაში მხოლოდ 3 მოსწავლე სწავლობს. სკოლის არ არსებობა სოფელიდან მიგრაციას უწყობდა ხელს.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე