ანტიბიოტიკების ცნობიერების ამაღლების მსოფლიო კვირეულისადმი მიძღვნილი ღონისძიება გაიმართება სლოგანით:  "ანტიბიოტიკების მომავალი დამოკიდებულია ყველა ჩვენგანზე"

დაავადებათა კონტროლისა და საზოგადოებრივი ჯანმრთელობის ეროვნულ ცენტრში 22 ნოემბერს ანტიბიოტიკების ცნობიერების ამაღლების მსოფლიო კვირეულისადმი მიძღვნილი ღონისძიება გაიმართება, სლოგანით: "ანტიბიოტიკების მომავალი დამოკიდებულია ყველა ჩვენგანზე!".

დაავადებათა კონტროლის ეროვნული ცენტრის ინფორმაციით, შეხვედრას დაესწრებიან ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, გარემოს დაცვისა და სოფლის მეურნეობის სამინისტროს, სურსათის ეროვნული სააგენტოს და სოფლის მეურნეობის სამინისტროს ხელმძღვანელი პიები. ასევე, კლინიცისტები და დარგის ექსპერტები.

„ჯანმრთელობის მსოფლიო ორგანიზაცია 2019 წლის 18-24 ნოემბერს აღნიშნავს, ანტიბიოტიკების შესახებ ინფორმირებულობის მსოფლიო კვირეულს, რომელიც მიმართულია ანტიბიოტიკების, როგორც ფასეული რესურსის შენარჩუნებისაკენ. საქართველოში კვირეული 2016 წლიდან აღინიშნება და აგრძელებს ჯანმრთელობის მსოფლიო ორგანიზაციის ინიციატივას ანტიბიოტიკების შესახებ ინფორმირებულობის კვირეულის შესახებ.

ანტიბიოტიკებისადმი რეზისტენტობის გავრცელების შეკავებისა და მსოფლიო გამოწვევების კვალდაკვალ საქართველოში: მიმდინარეობს ანტიმიკრობული რეზისტენტობის საწინააღმდეგო ეროვნული სტრატეგიის დანერგვა; სამედიცინო სტაციონარულ დაწესებულებებში მიმდინარეობს ინფექციების კონტროლის სისტემისა და ანტიმიკრობული პრეპარატების მართვის პოლიტიკის შეფასება და მონიტორინგი; საავადმყოფოებში გრძელდება ინფექციების პრევენციისა და კონტროლის თანამედროვე პრინციპების დანერგვა; ლუგარის ცენტრში მიმდინარეობს ანტიმიკრობული რეზისტენტობის მექანიზმის ფონოტიპური და გენეტიკური დადასტურება; 2017 წლიდან მიმდინარეობს ამრ მონაცემების (დაახლოებით 200 კლინიკიდან) შეგროვება-დამუშვება CAESAR-ის ქსელისთვის“, - აღნიშნულია ინფორმაციაში.

ღონისძიება 22 ნოემბერს, 15:00 საათზე დაიწყება.

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა