გორში, იოსებ მაკრახიძის მაჟორიტარულ ბიუროსთან აქციის მონაწილეებს მოქალაქეები სიტყვიერად დაუპირისპირდნენ

გორში, პარლამენტის მაჟორიტარი დეპუტატის იოსებ მაკრახიძის ბიუროსთან „ევროპული საქართველოს“ რამდენიმე წევრმა აქცია გამართა. აქციის მონაწილეები შენობაში შესვლას და მაჟორიტარ იოსებ მაკრახიძის ბიუროს კარზე ბოქლომის დადებას გეგმავდნენ, თუმცა, მათ ამის საშუალება არ მისცეს. ,,ევროპული საქართველოს“ წევრებმა შენობაში შესვლა ვერ შეძლეს და სტიკერები წარწერით -,,დალუქულია“ მხოლოდ შენობის ფასადზე გააკრეს.

,,დღეს მთელ საქართველოში მიმდინარეობს ბოქლომის დადების აქცია. მაჟორიტართან რამდენიმე კითხვა გვქონდა, მაგრამ შენობაში შესვლის საშუალება არ მოგვცა პოლიციამ. სიმბოლურად, ვგეგმავდით მაჟორიტარის ბიუროს კარზე ბოქლომის დადებასაც, მაგრამ ვერ შევძელით, ამიტომ შენობის ფასადზე გავაკარით სტიკერები, რომ „დალუქულია“, დალუქულია ეს მთავრობა და მალე ბიძინა ივანიშვილის მთავრობა წავა სახლში“, - განაცხადა აქციის ერთ-ერთმა მონაწილემ ეთერ ჯალაღანიამ.

აქციის მონაწილეებს რამდენიმე მოქალაქე სიტყვიერად დაუპირისპირდა. მათი განცხადებით, ოპოზიციური პარტიების წარმომადგენლები პროვოკაციულ ქმედებებს ახორციელებენ და დესტაბილიზაციის გამოწვევა სურთ. ,,არანაირი რესურსი აღარ გააჩნიათ, აღარც მხარს უჭერს ხალხი და ამიტომ დადიან ასე ქალაქ-ქალაქ 3-4-კაციანი შემადგენლობით. ამათი მიზანი არეულობაა და ამიტომ დავუპირისპირდი, სტიკერებიც ჩამოვხსენით“, - განაცხადა ერთ-ერთმა პირმა, რომელიც აქციის მონაწილეებს დაუპირისპირდა.

აქციები გაიმართა კასპში, ხაშურსა და ქარელშიც, პარლამენტის დეპუტატების - ირაკლი მეზურნიშვილის, სიმონ ნოზაძისა და გიორგი თოთლაძის მაჟორიტარულ ბიუროებთან.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს