ხმაური იყო წყალტუბოში, სადაც „ნაციონალური მოძრაობისა" და „ევროპული საქართველოს" საკრებულოს წევრები მაჟორიტარი დეპუტატის ბიუროს ოფისისთვის ბოქლომის დადებას ცდილობდნენ. მათ ამის საშუალება არ მისცეს, რასაც ხმაური და სიტყვიერი დაპირისპირება მოჰყვა.

ოპოზიციამ საკრებულოს ბოიკოტი გამოუცხადა და სხდომას აღარ ესწრებიან. წყალტუბოს მაჟორიტარი დეპუტატი ცოტნე ზურაბიანი ამბობს, რომ დილიდან ბიურო მოქალაქეებს ჩვეულ რეჟიმში იღებდა, თუმცა ოპოზიციამ პროვოკაცია სცადა. ვითარება სამართალდამცავებმა განმუხტეს. ოპოზიცია ამბობს, რომ ბიუროს სიმბოლურად მაინც „დააბოქლომებენ“.