ცნობილი შვედი ექიმი, ლუნდის უნივერსიტეტის ემირატუს პროფესორი, შვედეთის მეცნიერებათა სამეფო აკადემიის ნამდვილი წევრი, საქართველოს მეცნიერებათა ეროვნული აკადემიის უცხოელი წევრი ულე ლინდვალი განცხადებას ავრცელებს და ქართველი ექიმის, ვაჟა გაფრინდაშვილის პატიმრობიდან დაუყოვნებლივ გათავისუფლებას მოითხოვს.
„შოკისმომგვრელი და აღმაშფოთებელი იყო ჩემი ძვირფასი კოლეგის, ორთოპედ- ქირურგის, საქართველოს ორთოპედიისა და ტრავმატოლოგების ასოციაციის პრეზიდენტის, ვაჟა გაფრინდაშვილის დაპატიმრების ამბის შეტყობა. ის არის გამოჩენილი ექიმი, რომელიც ცნობილია თავისი პროფესიონალიზმით და პაციენტებზე ზრუნვით. როგორც მისი დაკავება, ასევე წინასწარი ორთვიანი პატიმრობის მისჯა "საზღვრის უკანონოდ გადაკვეთის" გამო, სრულიად მიუღებელია და, ამიტომ მოვითხოვ მის დაუყოვნებლივ გათავისუფლებას“,-წერია ლინდვალის განცხადებაში.