„ნაციონალური მოძრაობის“ წევრებმა საზოგადოებრივი მაუწყებლის აჭარის ტელევიზიისა და რადიოს შენობასთან გვირგვინი მიიტანეს. როგორც მათ განაცხადეს, დღეს აჭარის ტელევიზიასა და რადიოში სიტყვის თავისუფლება მოკვდა.
როგორც "ნაციონალური მოძრაობის" წევრი გია ხალვაში აცხადებს, აჭარის ტელევიზიას "ქართული ოცნების" აქტივისტი გიორგი კოხრეიძე მართავს.
"ამით მივანიშნებთ, იმას რომ აჭარის ტელევიზიაში დასრულდა თავისუფალი სიტყვა. „ქართული ოცნების“ აქტივისტი დაინიშნა აჭარის ტელევიზიის დირექტორად. დღეის შემდეგ აჭარის ტელევიზია მხოლოდ ბიძინა ივანიშვილს გააშუქებს დადებით კონტექსტში",- განაცხადა გია ხალვაშმა.
შეგახსენებთ, რომ დღეს აჭარის ტელევიზიისა და რადიოს ბორდმა დირექტორად გიორგი კოხრეიძე აირჩიეს.