გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

კომპანიის ინფორმაციით, გამანაწილებელ ქსელში დაგეგმილი სარეაბილიტაციო სამუშაოების გამო, 25 ნოემბერს, 12:00-დან 13:00 საათამდე, ენერგომომარაგება დროებით შეეზღუდებათ მომხმარებლებს მცხეთისა და დუშეთის მუნიციპალიტეტების სოფლებში: ბიწმენდში, ჯიღაურაში, საგურამოში, გალავანში, ბურიანში, ნავდარაანთკარში, ჭოპორტსა და ახატანში.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.