ოპოზიციური პარტიების ლიდერები „ლეიბორისტული პარტიის“ ოფისში მორიგ შეხვედრას მართავენ.

როგორც შეხვედრის დაწყებამდე გაერთიანებული ოპოზიციის წარმომადგენელმა, პაატა დავითაიამ ჟურნალისტებს განუცხადა, შეხვედრაზე პარლამენტის პიკეტირებასთან დაკავშირებულ დეტალებს კიდევ ერთხელ გაივლიან.

მისივე განმარტებით, დღეს, 18:00 საათზე, რესპუბლიკის მოედანზე შეკრიბებიან და 19:00 საათიდან პარლამენტისკენ ფეხით მსვლელობას მოაწყობენ.

„მსვლელობა იქნება მშვიდობიანი. მოხდება მშვიდობიანი პიკეტირება. იქნება აქცია და გარკვეული სხვა მოქმედებები, რამაც უნდა აიძულოს ხელისუფლება მშვიდობიანი გზით წავიდეს გარკვეულ დათმობებზე, რომელიც აუცილებელია საარჩევნო სისტემის გასაუმჯობესებლად. რაც შეეხება ბიუროს დღევანდელ სხდომას, არ ვაპირებთ ბლოკირებას, იქნება პიკეტირება. ამ ეტაპზე სხდომა არ დაწყებულა. ორი დღეა პოლიტიკურ პარტიებს შორის მიმდინარეობს კონსულტაციები სწრაფ რეჟიმში და ამას ალბათ, გავახმაურებთ. განხილული იქნება საარჩევნო სისტემასთან დაკავშირებული გარკვეული ცვლილებები, “, - განაცხადა დავითაიამ.