ფოთიდან , „ერთიანი ნაციონალური მოძრაობის" წევრები და მათი მხარდამჭერები თბილისში, პარლამენტთან დაგეგმილ საპროტესტო აქციაში მონაწილეობის მისაღებად მოემართებიან. ისინი გაერთიანებული ოპოზიციის მოთხოვნებს უერთდებიან.

,,ჩვენი მოთხოვნა უცვლელია, დავუბრუნოთ ქართველ ხალხს ის მონაპოვარი, რომელიც ახალგაზრდებმა თავიანთი სისხლისა და დათხრილი თვალების ხარჯზე მოუტანეს ქვეყანას. საუბარია მაჟორიტარული სისტემის გაუქმებაზე და პროპორციული არჩევნების შემოღებაზე. ხელისუფლებას გვინდა შევუქმნათ ყოველგვარი დისკომფორტი და ვაიძულოთ განახორციელონ ეს ცვლილება. დღეს, დაგეგმილია გრანდიოზული შეკრება და შემდეგ ვაპირებთ პარლამენტის შენობის ბლოკირებას, სადაც ხვალ, პლენარული სხდომა უნდა ჩატარდეს, რის საშუალებასაც არ მივცემთ“, - განაცხადა „ნაციონალური მოძრაობის“ წევრმა დავით ხომერიკმა.