თენგიზ ფხალაძის შეფასებით, 2020 და 2021 წლების არჩევნების დღეს პლებისციტის ჩატარება ღია კარის მტვრევას ჰგავს

ექსპერტ თენგიზ ფხალაძის შეფასებით, 2020 და 2021 წლების არჩევნების დღეს პლებისციტის ჩატარება პროპორციულ საარჩევნო სისტემასთან დაკავშირებით ღია კარის მტვრევას ჰგავს.

როგორც მან „ინტერპრესნიუსს“ განუცხადა, სრულიად გაუგებარია, როგორც სამართლებრივად, ისე პოლიტიკურად მმართველი გუნდის განცხადება.

„საქართველოს კონსტიტუციაში უკვე ჩაწერილია, რომ 2024 წლის არჩევნები ჩატარდება პროპორციული სიტემით, აქ საუბარი იყო 2020-ის არჩევნების ჩატარებაზე. გამოდის, რომ კითხვის ნიშნის ქვეშ აყენებს მმართველი გუნდი იმ კონსტიტუციას, რომელიც თვითონ მიიღო და ამტკიცებდა, რომ ის ასახავდა სახალხო დაკვეთას და საქართველოს მოსახლეობის განწყობებს გამოხატავდა. თუ ასე მალე ვაყენებთ ასეთი ზარზეიმით მიღებულ კონსტიტუციას კითხვის ნიშნის ქვეშ არასწორია და დამატებით კითხვებს აჩენს. პლებისციტის ჩატარება იმაზე რაც ვიცით როგორ უნდა იყოს და კონსტიტუციაში გვიწერია ვეღარ ჯდება ლოგიკაში,“ - განაცხადა ფხალაძემ.

შეგახსენებთ, რომ „ქართული ოცნება“ მზადაა, საარჩევნო სისტემის საკითხზე პლებისციტი 2020 წლის საპარლამენტო, ან 2021 წლის ადგილობრივი არჩევნების დღეს ჩატარდეს. ამასთან, როგორც დღეს გამართულ ბრიფინგზე პარტიის გენერალურმა მდივანმა, კახა კალაძემ განაცხადა, გადაწყვიტეს, არ დააყენონ „ქართული ოცნების“ კანდიდატები იმ მაჟორიტარულ ოლქებში, სადაც, „ნაცმოძრაობის“ და მისი დანამატების გარდა, ოპოზიციის დანარჩენ წარმომადგენლებს ექნებათ გამარჯვების შანსი.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა