თბილისში დაგეგმილ აქციას ქუთაისიდანაც უერთდებიან. „ნაციონალური მოძრაობის" და მოძრაობა „გაბედეს" წევრები თბილისში უკვე გამოემგზავრნენ.

მათი თქმით, შეუერთდებიან აქციას და მთავარი მოთხოვნის, პროპორციული არჩევნების დანიშვნამდე პროტესტი არ შეწყდება.

„ვუერთდებით აქციას - „ყველა ერთის წინააღმდეგ" და მოვითხოვთ დაპირებების შესრულებას. ვრჩებით თბილისში, ხვალ პიკეტირებაშიც მივიღებთ მონაწილეობას. კანონის ფარგლებში ვიბრძოლებთ, ვიდრე ჩვენი მოთხოვნა არ დაკმაყოფილდება და არ დაგვიბრუნებენ მოპარულ არჩევნებს", - განაცხადეს აქციის მონაწილეებმა.

მათი თქმით, აქციაზე ქუთაისიდან 200 ადამიანი გამოემგზავრა.