26-29 ნოემბრის სასესიო კვირაში პარლამენტის პლენარულ სხდომებს ოპოზიციონერი და დამოუკიდებელი დეპუტატები ბოიკოტს უცხადებენ.

როგორც ბიუროს სხდომაზე პარლამენტის თავმჯდომარე არჩილ თალაკვაძემ განაცხადა, მათ პარლამენტს განცხადებით მიმართეს, რომ პლენარულ სხდომებს არ დაესწრებიან.

მისივე ინფორმაციით, სხდომებზე არდასწრების თაობაზე პარლამენტს განცხადებით მიმართეს "ევროპულმა საქართველომ", "ნაციონალურმა მოძრაობამ", "პატრიოტთა ალიანსმა", ასევე, დეპუტატებმა ეკა ბესელიამ და ნატო ჩხეიძემ.