საპარლამენტო უმრავლესობის ფრაქცია „ქართული ოცნება - კონსერვატორები“ დაიშალა. აღნიშნული ფრაქციის წევრი, დეპუტატი რუსლან გაჯიევი „ქართული ოცნება - მწვანეებს“ უერთდება, ხოლო დეპუტატი მუხრან ვახტანგაძე ფრაქცია „ქართულ ოცნებაში“ გადადის.

შეგახსენებთ, რომ მანამდე ფრაქცია „ქართული ოცნება - კონსერვატორები“ კიდევ სამმა წევრმა დატოვა. კერძოდ, 14 ნოემბრის კენჭისყრის შემდეგ, აღნიშნული ფრაქციიდან წავიდნენ დეპუტატები: ნინო გოგუაძე, ზვიად ძიძიგური და გიგა ბუკია.