მთავარი პრობლემა რაც შეგვიქმნეს, მოგვტაცეს შეშა და კარვები და მოვუწოდებ ხელისუფლებას ამ იაფასიან ტრიუკებს თავი დაანებონ, - ამის შესახებ "ახალი საქართველოს" ლიდერმა, გიორგი ვაშაძემ ჭიჭინაძის ქუჩაზე განაცხადა.

მისი თქმით, ყველა შესასვლელთან ცოტა ხანში დაიწყება პიკეტირება და მთელი ღამის განმავლობაში დარჩებიან პარლამენტის მიმდებარე ტერიტორიაზე.

"გაფრთხილებთ, ნუ დაგვიწყებთ ტყუილა ჭიდაობას, არავის არ დაგაჭერინებთ. თუ დარბევას გადაწყვეტთ, გაგვაფრთხილეთ", - მიმართა ვაშაძემ სამართალდამცველებს.

ამ წუთებში აქციის მონაწილეები გიორგი ვაშაძესთან ერთად ჭიჭინაძის ქუჩაზე დგანან.