„ევროპული საქართველოს“ ერთ-ერთ ლიდერს გიგა ბოკერიასა და მის თანაპარტიელებს პოლიციელებმა შეშა და კასრები ჩამოართვეს, რასაც მათ შორის კამათი მოჰყვა.
საპატრულო პოლიციის ეკიპაჟმა „ევროპული საქართველოს“ აქტივისტებისა და დეპუტატ გიგა ბოკერიას ავტომობილები იუსტიციის სახლის მიმდებარე ტერიტორიაზე გააჩერეს.
დეპუტატი დაინტერესდა, რა უფლებით ართმევდნენ პოლიციელები მას შეშას და კასრს რომელიც გასათბობად იყო განკუთვნილი, რაზეც სამართალდამცველებმა მიუგეს, რომ მოსახლეობის უსაფრთხოების ზომებიდან გამომდინარე ხდებოდა ნივთების ამოღება. მათ პოლიციის შესახებ კანონის შესაბამისი მუხლი მოიშველიეს.