პარლამენტის შენობის მიმდებარე ტერიტორიაზე, ჭიჭინაძის ქუჩაზე სამართალდამცველებსა და გუბაზ სანიკიძეს შორის სიტყვიერი დაპირისპირება და შეხლა-შემოხლა მოხდა. პოლიციასა და გუბაზ სანიკიძეს შორის დაპირისპირება მას შემდეგ დაიწყო, რაც მერიის წარმომადგენლებმა აქციის მონაწილეებს ნახევარსაათიანი ვადა მისცეს გზის სავალი ნაწილის გასათავისუფლებლად.

გუბაზ სანიკიძე სამართალდამცველებისგან ითხოვდა პასუხს, თუ რატომ მოითხოვდნენ ისინი აქციის მონაწილეებისა და პირადად მისგან ტერიტორიის გათავისუფლებას, რაზეც სამართალდამცველებმა განუმარტეს, რომ ტერიტორიაზე გზის სავალი ნაწილი უახლოეს ნახევარსაათში უნდა გათავისუფლებულიყო.