გია ვოლსკი - მე ახლაც იმ აზრზე ვარ, რომ პროპორციული არჩევნები ქვეყნისთვის გამოსავალია

ვფიქრობ, რომ პროპორციული არჩევნები მაინც გამოსავალია ქვეყნისთვის, მაგრამ საგანგებო მნიშვნელობა შეიძინა უმრავლესობის შენარჩუნებამ, ვინაიდან ქვეყანა არ წასულიყო დაშლისკენ და არ შექმნილიყო ის კრიზისი, რომელსაც უნდა ვერიდოთ, - ამის შესახებ პარლამენტის პირველმა ვიცე-სპიკერმა გია ვოლსკიმ პლენარულ სხდომაზე განაცხადა.

მისივე თქმით, დესტრუქციული განცხადებები და ქმედებები ოპოზიციამ 24 ივნისიდან დაიწყო, რაც „ქართულმა ოცნებამ“ პროპორციული არჩევნების შესახებ თანხმობა განაცხადა.

„დესტრუქციული ქმედებების კულმინაციამ მიაღწია იმ დროს, როცა ჩვენ ვიხილავდით მათ მიერ წარმოდგენილ კანონპროექტს პროპორციულ არჩევნებთან დაკავშირებით. ყველამ იცოდა, რომ ამის შემდეგ უნდა განხილულიყო პროექტი, რომელსაც უმრავლესობა წარმოადგენდა. მაშინ მე არათუ ეჭვი გამიჩნდა, არამედ მნიშვნელოვანწილად დავეთანხმე იმ კოლეგებს და მეგობრებს, რომლებიც ფიქრობდნენ, რომ ამ ადამიანებთან, ამ პოლიტიკურ ძალებთან კოალიციური პასუხისმგებლობის აღება ქვეყნის სტაბილურობას დააზიანებდა. მე ახლაც იმ აზრზე ვარ, რომ პროპორციული არჩევნები ქვეყნისთვის გამოსავალია,“ - განაცხადა ვოლსკიმ.

მისივე თქმით, უხერხულობა არსებობს, პარლამენტი პოლიციით რომაა გარშემორტყმული.

„აქ ჟურნალისტებმა მკითხეს, გიქმნით თუ არა უხერხულობას ის, რომ პოლიციით არის გარშემორტყმული საკანონმდებლო ორგანოო. რასაკვირველია, ეს უხერხულობა არსებობს, მაგრამ ეს არის ნამცეცი იმ უხერხულობასთან, რომელიც შეიძლება შეექმნას სახელმწიფოს, თუკი მუშაობას არ გავაგრძელებთ ჩვენ და სახელმწიფო სტრუქტურები.

კიდევ ერთ თემას შევეხები, ბიუროსთან მოსვლის თემები იყო დღის წესრიგში. ჩემი ბიუროს კუთხეში, 2004 წელს, 20 წლის ახალგაზრდა დაჭრეს იმის გამო, რომ არ დაემორჩილა პირველი შეძახილისთანავე პოლიციას და მეორე კუთხეში საკონტროლო გასროლით მოკლეს. ეს მინდა შევახსენო ახალგაზრდებს,“ - განაცხადა ვოლსკიმ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის