კობა ნარჩემაშვილი „ქართულ ოცნებას“ - არც თქვენი დღის წესრიგით მინდა ვიცხოვრო და არც „ნაციონალური მოძრაობის“

არც თქვენი დღის წესრიგით მინდა ვიცხოვრო და არც „ნაციონალური მოძრაობის“, არა ვადამდელი, არამედ გეგმური არჩევნების პირობებში, იმედი მაქვს, ადამიანებს ექნებათ არჩევანის საშუალება, - ასე მიმართა დამოუკიდებელმა დეპუტატმა კობა ნარჩემაშვილმა პლენარულ სხდომაზე „ქართული ოცნების“ დეპუტატებს.

როგორც ის ამბობს, ყველაფერი უნდა გაკეთდეს იმისთვის, რომ ვადამდელი არჩევნები არ დაინიშნოს ქვეყანაში.

„ვადამდელი არჩევნები სწორედ „ქართული ოცნებისა“ და „ნაციონალური მოძრაობის“ ინტერესებშია. რატომღაც ასეთი განცდა მაქვს, რომ ზუსტად იმ არჩევნებზე, თქვენც და „ნაციონალურ მოძრობასაც“ გინდათ ზუსტად ის განიცადოს და იგრძნოს ქართველმა ამომრჩეველმა, რა განცდაც მე დღეს დილით მქონდა - მოვსულიყავი თუ არ მოვსულიყავი. ასე გინდათ, როცა მივა ამომრჩეველი, იქ მხოლოდ ორი ძალა იყოს შემოსახაზი. ვისთვისაც ორივე მიუღებელია, მათ უბრალოდ თქვან, რომ იქ არ არის მათი არჩევანი და არაფერი ესაქმებათ“, - განაცხადა კობა ნარჩემაშვილმა.

ის ურჩევს მმართველ პარტიას, რომ დააინიციროს დადგენილების პროექტი ან უკვე ჩაგდებულ დადგენილებას დაუჭიროს მხარი.

„ჩემი კოლეგებისგან მოვისმინე ძალიან მძიმე დახასიათება „ნაციონალური მოძრაობის“. რა გიშლით ხელს, რომ დააინიციროთ დადგენილება ისეთივე ან იმ დადგენილებას დაუჭიროთ მხარი, რომელიც ერთხელ ჩააგდეთ. რა გიშლით ამის გაკეთებისას ხელს. ხალხი მაშინ დაიჯერებს და გენდობათ. ხომ არაფერი გიშლით ხელს. 113 კაცი ხომ არ სჭირდება, გაცილებით ნაკლები სჭირდება. გვიან იყოს სჯობს, ვიდრე არასდროს,“ - აღნიშნა ნარჩემაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს