თქვენ, როგორც სულიერმა ადამიანმა და ბრძენმა პიროვნებამ, შეგვახსენეთ, რომ ნებისმიერი პრობლემა შეიძლება მოგვარდეს დიალოგით, მოლაპარაკებებით, - ამის შესახებ იტალიის ელჩმა ანტონიო ბარტოლიმ საქართველოს პატრიარქისა და დიპლომატიური კორპუსის წარმომადგენლების შეხვედრაზე განაცხადა.
„თქვენო უწმინდესობავ, დიდ მადლობას გიხდით კიდევ ერთხელ, რომ მოგვეცა თქვენთან შეხვედრის საშუალება. იტალია, როგორც ერთ-ერთი დამფუძნებული ევროკავშირისა და საქართველოს დიდი ხნის მეგობარი ქვეყანა, მხარს უჭერს საქართველოს და მომავალშიც დავუჭერთ. თქვენ ღვთის კაცი და სულიერი ლიდერი ბრძანდებით და როცა საუბრობთ, შეგვახსენებთ, რომ პოლიტიკის უკან არიან უბრალო ადამიანები, რომლებიც იტანჯებიან. თქვენ, როგორც სულიერმა ადამიანმა და ბრძენმა პიროვნებამ, შეგვახსენეთ, რომ ნებისმიერი პრობლემა შეიძლება მოგვარდეს დიალოგით, მოლაპარაკებებით. ჩემი მანდატი მალე იწურება და ნება მიბოძეთ გამოვიყენო ეს შესაძლებლობა და მადლობა მოგახსენოთ ჩვენს საელჩოსა და საპატრიარქოს შორის არსებული ურთიერთობებისთვის” , – განაცხადა იტალიის ელჩმა.