თუ კალაძე მართლაც გადაწყვეტს ფსევდოდამოუკიდებელი პოლიტიკური ძალის შექმნას, ეს რა თქმა უნდა, ისევ და ისევ ივანიშვილის დავალებით მოხდება, - ამის შესახებ "ნაციონალური მოძრაობის" წევრმა, თინა ბოკუჩავამ "ქართული ოცნების" გენერალური მდივნის, კახა კალაძის განცხადების კომენტირებისას აღნიშნა.
"ვინ დაიჯერებს კახა კალაძის პოლიტიკურ ამბიციებს?! თუ მართლაც გადაწყვეტს ფსევდოდამოუკიდებელი პოლიტიკური ძალის შექმნას, ეს რა თქმა უნდა, იქნება ისევ და ისევ ივანიშვილის დავალებით, იმიტომ, რომ ივანიშვილსაც უკვე კარგად ესმის, რომ "ქართული ოცნება" არის სრულად გაბანკროტებული პოლიტიკური ძალა და ეცდება, რომ ხელოვნურად შექმნას სხვა ფსევდოოპოზიციური პარტიები", - განაცხადა ბოკუჩავამ.
კითხვაზე, ელოდება თუ არა, რომ 2020 წლის არჩევნებამდე, კალაძეს ვიხილავთ ოპოზიციაში, ბოკუჩავამ განაცხადა, რომ "თუ ასე გადაწყვეტს ივანიშვილი, მაშინ ვიხილავთ“.
„ივანიშვილის გარეშე არც ერთ "ქართული ოცნების" წარმომადგენელს არ ეყოფა იმის გამბედაობა, რომ ივანიშვილის წინააღმდეგ წავიდნენ", - აღნიშნა ბოკუჩავამ.