საქართველოში შექმნილ სიტუაციაზე დღეს ევროპარლამენტში დისკუსია გაიმართება

ევროპარლამენტში, პლენარული სესიის ფორმატში დღეს საქართველოში მიმდინარე პროცესებზე დისკუსია გაიმართება.

როგორც „ევროპული საქართველოს“ ერთ-ერთმა ლიდერმა სერგი კაპანაძემ „ინტერპრესნიუსს“ განუცხადა, დისკუსია შეეხება პროპორციულ არჩევნებთან დაკავშირებით ხელისუფლების მიერ უკან წაღებულ დანაპირებს. მისი თქმით, ევროპარლამენტის დეპუტატები დისკუსიისას საქართველოს ხელისუფლებას მოუწოდებენ, არსებული ჩიხიდან გამოსავალი მოიძებნოს.

„დებატები ეხება საქართველოში შექმნილ მდგომარეობას. პირველ რიგში, ეს არის უკან წაღებული დანაპირები პროპორციულ არჩევნებთან დაკავშირებით და ის განცდა, რომელიც საზოგადოებაში გაჩნდა, რომ ივანიშვილი აპირებს გადაიფორმოს ხელისუფლება საარჩევნო სისტემის მანიპულირებით. ამასთან დაკავშირებით იქნება ჩემი შეხვედრაც ევროპარლამენტარებთან და ასევე იქნება მოწოდებები, რომ ჩიხიდან იყოს გამოსავალი მოძებნილი და გამოსავალი არის ერთადერთი, შეთანხმება საარჩევნო რეფორმასა და ჩვენს მიერ შეთავაზებულ „გერმანული მოდელის“ წინადადებაზე“, - განაცხადა სერგი კაპანაძემ.

მისივე განმარტებით, საქართველოს პარტნიორი და მეგობარი ქვეყნები არსებული ვითარებით შეშფოთებულები არიან. „ევროპული საქართელოს“ ლიდერის თქმით, განვითარებულმა პროცესებმა საერთაშორისო დონეზე ქვეყნის იმიჯი უკვე სერიოზულად დააზიანა.

„ჩვენი მეგობრები, ევროპარლამენტარები საუბრობენ საქართველოს თემაზე, გამოხატავენ შეშფოთებას და ამას თუ არ ითვალისწინებს ხელისუფლება, აბა რა უნდა გაითვალისწინოს? აქ არიან ჩვენი კეთილისმსურველები, რომლებიც არიან შეშფოთებულები. დისკუსიის გამართვას ამ თემაზე ისევე, როგორ დეკემბერში სავარაუდოდ, რეზოლუციის მიღება მიუთითებს, რომ არის სერიოზული პრობლემა ჩვენს ქვეყანასთან დაკავშირებით და ეს უნდა იყოს გათვალისწინებული ჩვენი ქვეყნის მთავრობის მიერ. მე ვიცი, რომ ბევრს აქვს ცდუნება თავისი დესანტი გადმოსხას, რომელიც ტყუილებს მიაწოდებს ევროპარლამენტარებს. ყველა ეს ტყუილი არის მოკლეფეხებიანი. ყველამ ძალიან კარგად იცის, ჩვენთან რა ხდება, ამიტომ ყველაზე ლოგიკური ნაბიჯი ჩვენი ხელისუფლების მხრიდან იქნება თუ ამას გაითვალისწინებს, მიიღებს იმ შეთავაზებას, რომელიც ჩვენ გავუკეთეთ საარჩევნო სისტემასთან დაკავშირებით და ამის შედეგად გამოიყვანს ყველას პოლიტიკური კრიზისიდან“, - განაცხადა სერგი კაპანაძემ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის